PAGLALAKAD SA ULAN
naglakad kaming mag-asawa
sa maulan, basang kalsada
sinariwa ang alaala
kung paano naging magsinta
siya'y nakilala sa forum
ng kalikasan at paglaon
ay sinagot, bagyo pa noon
na alaala ng kahapon
maalab ang pagtitinginan
hanggang kami'y magkatuluyan
ngayon, naglalakad na naman
matapos ang bagyong nagdaan
hakbang-hakbang, kanan, kaliwa
buti na lang, wala nang baha
gaano mang katinding sigwa
pagsasama'y matibay sadya
- gregoriovbituinjr.
09.03.2024
* mapapanood ang bidyo sa kawing na: https://fb.watch/umUpBZneQd/
Walang komento:
Mag-post ng isang Komento