SA IYONG IKA-42 KAARAWAN
saan ka man naroroon
maligayang kaarawan
ninamnam ko ang kahapon
na tila di mo iniwan
oo, nasa gunita pa
ang mapupula mong labi
akin pang naaalala
ang matatamis mong ngiti
tulad ng palaso't busog
ni Kupido sa puso ko
binabati kita, irog
sa pagsapit ng birthday mo
muli, pagbati'y tanggapin
sa puso ko'y ikaw pa rin
- gregoriovbituinjr.
01.06.2026
Walang komento:
Mag-post ng isang Komento